Plantun de Prouvènço

Pèr coumpara dos planto d'encò nostre

Rumex conglomeratus & Myosotis scorpioides

Rumex conglomeratus

Polygonaceae

Nom en français : Oseille agglomérée.

Descripcioun :
Aquesto paciènci, un pau grando, trachis dins lis armas bagna e en ribo d'aigo. Li fueio amé un pecou e un pau longo, soun pas acide. Se recounèis subretout à si valvo de fru entiero, pu longo que larjo emé tres couissin desveloupa.

Usanço :
Li jóuini fueio podon se manja crudo, pièi, pu grosso, li fau faire bouli en chanjant l'aigo. Emé de la soun mens astringènto. En Grèço se n'en servon coume de fueio de vigno.

Port : Erbo
Taio : 30 à 90 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : Pancaro entresigna
Flourido : Printèms - Estiéu

Sòu : Si (Ca)
Autour basso e auto : 0 à 1200 m
Aparado : Noun
Jun à setèmbre

Liò : Ribiero - Prado umido
Estànci : Termoumediterran à Coulinen
Couroulougi : Éurasiatico
Ref. sc. : Rumex conglomeratus Murray, 1770

Te-vese-e-t'ame(-co-d'escourpioun)

Myosotis scorpioides

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis queue-de-scorpion, Myosotis des marais.

Descripcioun :
Aquéu te-vese-e-t'ame trachis en ribo de riéusset, li prado e sus li roco bagnado, pulèu dins lis endré séusous. Fai parti dóu group qu'an li péu aplica e qu'an ges de bratèio dins l'enflourejado. La planto se ten bèn drecho e èi pulèu grando pèr aquéu gènre.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 20 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 3 mm
Flourido : Printems - Estiéu

Sòu : Si (Ca)
Autour basso e auto : 0 à 1700 m
Aparado : Noun
Mai à avoust

Liò : Prado umido - Riéusset - Roco imourouso - Tourbièro
Estànci : Mesoumediterran à Mountagnard
Couroulougi : Éurasiatico
Ref. sc. : Myosotis scorpioides L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rumex conglomeratus & Myosotis scorpioides

Coumpara Paciènci-(agroumelado) emé uno autro planto

Coumpara Te-vese-e-t'ame(-co-d'escourpioun) emé uno autro planto